آ......ي آنامين ديلينده دانيشان ، شيرين ديلليم
سن ذيروه لره قالخاجاقسانمي؟
و قارتارل لار قانادلاريندا،
سنه لاي-لاي چالاجاقلارمي؟
آ......ي روحومداكي چيرپينان ، قوشلارين قفسي نين آچاري
اوچا-اوچا سمالاردان اولودز سالخيمي درهجك سنمي؟
و چوخ آنالار سنين تاييني يئريكليهجكلر مي؟
تاپا- تاپا گلمه ميشلر (بهروز صدیق)
سوسوزلوقدان باغري يانميش
اوجقار بير كند
اللي سورو
گنج بير چوبان
دؤرد خفچيل ايت،
ادامــه مـطـلـب
هارای ایشیق قانادليلار...
قاسناخ چالمیش یارامیزی قاناتدیلار
گونوزگلدی یاز اوغروسو
گولومیزی تاپدالادی
چیچکلرین کولگه سینده-
ساری کوینک اوخویارکن
بولبول لرين يوواسيندان موسيقي نين اليفباسين
اوغورلادي بيزيم زامان .
هاراي ايشيق قاناتديلار-
ياريمچيليق قالدي بيزيم ياشيل ناغيل
گويدن دوشن اوچ آلماني اوغورلادي بيزيم زامان
صانديقجا وئرليشي
بيري وار ايميش،
بيري يوخ ايميش.
اپريميش بير قوجانين
گوزلرين قان توتموش و قولاقلارين قورقوشوم
ياشيل باهاردا ،
ياشيل آغاجلاري بالتالادي.
و اويرتدي
باهاردا -
چيچك لرين قوينوندان قالخان خول بوداخلاري داللاماق،
اولدوقجا سهل و مومكوندور
صانديقجا وئرليشي قورتاردي
ساغ اولون اوشاقلار
ديل نه دير ؟
ديل،اينسانلار آراسيندا راضيلاشماغي تامين ائدن طبيعي بير واسيطه، ئوز قانونلاري ايچريسينده ياشايان و اينكشاف ائدن جانلي بير وارليق،ميللتي بيرلشديرن ،قؤرويان، و اونون اورتاق مالي اولان ايجتماعي بير مؤسسه دير.
ديل،مين ايللر بويونجا اينكشاف ائدهرك ميدانا گلميش بير سوسيال تشكيلات،سسلردن هؤرولموش بير شبكه، تملي بيلينمهين زامانلاردا آتيلميش بير گيزلي آندلاشمالار سيستميدير.
ديل ديگر طرفدن ، ايجتماعي باغلانتيلاريميزي تشكيل ائدن بير واسيطه اولاراق حياتيميزين هر مرحله سينده مؤوجوددور. ائوده، مكتبده،كوچه ده، بازاردا، و هر يئرده اونونلا بيرليكده ياشاييريق . اينسان دانيشديغي ديلي دوغولدوغو گوندن اعتبارن حاضير تاپار.
اوشاق، ايچينده ياشاديغي بيرلييين ديليني،آنا ديليني،اوزون بير چيراغليق دوره سي مدتينده اؤيره نر . داها سونرا قولاغينا گلن سسلرين معين آنلاييشلارا، حركتلره،وارليقلارا قارشيليق اولدوغونو، آنلاماغلا باشلار.
ديل؛ اينسان منلييينين آيريلماز بير پارچاسيدير. اينسان ذكاسينين،اينساندا سرحددي جيزيلمايان دويغو و دوشونجه قابليتي نين نتيجه لري ئؤز منلييينين خاريجينه آنجاق ديل له آختاريلا بيلر. بو باخيمنان ديل ايله دوشونجه،ايچ ايچه گيرميش وضعيتده دير. اينسان ديل ايله دوشونر. ديلين اينكيشافي، دوشونجه نين اينكيشافيدير.
موختليف مدنيت لرين ميدانا گتيريلمهسين تامين ائدن دوشونجه،ئوز اينكيشافيني ديله بورجلودير. ديل هر شيءدن اول ،ايجتماعي و ميللي بير وارليقدير و فردلرين اوستونده بير ميللتي ماراغلانديرار و بوتون بير ميللتين دويغو و دوشونجه خزينه سيني تشكيل ائدر.
ديل بير ميللته دستك اولان، فردلري بير-بيرينهباغلايان،ايجتيماعي حياتي تشكيل ائدن و داوام ائتديرن ، ميللي شوعورو بسلهين بير عنصر اولاراق، اويناديغي رول چوخ بؤيوكدور. مستقيلليين تملي ميللي شعوردور و ميللي شعورون ان قوتلي قايناغي ايسه ديل دير.
معين سس ئوبك لرينين اينسانلار آراسيندا دانيشيقلي بير دهير قازاناراق ، بير آنلاييشا قارشيليق اولمالاري ديلين ميدانا گلمهسينده اساس ساييلا بيلر.
بونون كيمي اونلارين مختليف استفادهلري ده ،اورتاق دهيرلر باغلاياراق ديلين قايدالاريني ميدانا گتيرميش اولماليديرلار. بونلار تؤرهييب گئنيشلميش و آز-چوخ واسواسليقلا قوروناراق نسيلدن نسيله كؤچورولموشدور. سس قانونلارينا اويغون گليب زامانلا دييشمهلره اوغراميش اولمالاريدا طبيعيدير.
آنا ديليميزدن جوملهلر قوراراق دوشونوروك. بونلاري ديله گتيرديييميزده آدينا "دانيشما "دييريك. ديل اولماسا دوشونجه و دويغودا اينكيشاف ائتمزدي ، اينسان بيرلييي و مدنيت ميدانا گتيريله بيلمزدي. يئنه اينسان اوغلونا بخش ائديلن دين حياتي ايله صنعت حياتيدا ديل تمهلي اوزهرينه قورولموشلار.
"ديل" دانيشما جيهازينين چيخارديغي چوخ موختليف سسلرين سون درجهده كومپلكس بير بيرلشمه سيندن ميدانا گلير. آنجاق قولاغيميزدا بونلاري بوتون اينجهليكلري ايله آييرد ائدهجك ياراديليشدادير. بو سببله بيز اونلاري تحليل ائتمكده چتينليك چكمهريك. ديل ميللي حافظهنين ،ميللي خاطره لرين، دويغولارين و دوشونجهلرين،مادي و معنوي دهيرلرين،گؤروش و ياراديشلارين اورتاق خزينهسيدير.
"ديل" مدنيتين ايلك واساس عنصريدير. مدنيت ،وارليغي نسيلدن نسيله اينتقال ائتمهيه ديله بورجلودير. مدنيتين، نسيلدن نسيله كئچمهسي، داوامي و ياشاماسي،تحصيل و تحصيل يولو ايله اولار و ائله بونا خاطير مدنيت اثرلري، مدنيتين حيات شرطيدير.بوسببدن تحصيل و تحصيلين اساس وظيفهسي، مدنيتين انتقال و داواميني تامين ائتمكدير. بيرميللتين آراسينداكي اورتاق و دوشونجه آخيمي، ديل ايله قورولا بيلر. بو آخيم دونندن بو گونه، و بوگوندن صاباحا ديل ايله كؤچورولمكدهدير. و عموميتجه ديل،عيني زاماندا بير مدنيت كؤچوروجوسو،و بير مدنيت داشيييجيسيدير... (آردی وار )ادامــه مـطـلـب
ایشدن قاییدان اوشاقلار...!
دوداقلاریندا گولوش و اللرینین گلیری باشقالارینین آغزیندا .
گوره سن هارا گئدیر اونلارین صاباحی؟
سیزماسا بارماقلاریما قادان ! الیم قلم توتورمو هئچ ؟ و یازیلیرمی دؤیونتولریم ؟! اولمازسان ، قاپی د ا حتی هورمز کؤپک لریم و قیشیم قارلاماز. اوزون زامان سوسار جیب ده تلفونوم و پوزولار سینیرلریم .اولمورسان کـــی ، اینانسانا یاتاغیم خسته خانالارا کؤچور، توتار اوره ییم ، آنام آغلار! او زامان ، بوز باغلامازمی پنجره لریم و آمپول لار سؤکمزمی دامارلاریمی ! . . . آنجاق چالیشیرام کی اینانیم . اینانیم کی دورنالار قاییداجاق وتوفنگ لرین لوله سینده هؤرومجک لر تورآتاجاق . بوللو گوله جه ییک و شئهلی گوزگولرده چکدیین کؤرپولر بیزه یول وئره جک . آدینی خیابان لارا دئییل شارقی لارا قویاجاقلار. سن اولاجاقسان و یازیلاجاق دؤیونتولریم و توتاجاق الیم قلم و تلفونوم چاغیراجاق منی . گؤم - گؤی قارقی لار کیمی رقص ائده ن دالغالی ال لرین ، قار بویالی قو کیمی قوناجاق چیینلریمه . سن وارسان ! ائله بوتون مؤوسوم لرین دَییشیکلیینده و قاپید ا هوره ن کؤپک لرین سئوینجینده . سنه نه لر یازاردیم کئشکه بسته کار اولسایدیم . سنه نه هیکل لر یاپاردیم کئشکه باجارسایدیم . ا.....ی فیرتینالاری تئلینه تاخان گؤیسل قیزجیغاز، قاسیرغالارا یولداش اولان شافاق . سنی یولونا سریلن بو یورغون ال لر گؤزله ییر . بیرگه آدلادیغیمیز او قوملو ساحیل لری ایندی بیرر – بیرر تک باشینا دولاشیرام . نئجه یاشارام پارام پارچا ، اولمازسان اگر . . .
| |
|
ادامــه مـطـلـب
غزل
چوخ هاييف كي بئله بير دووره منيم دوشدي حياتيم
ياري آغلاشما عزادير،ياريسي بوشدي حياتيم...
(پارس آبادمغان: الهه صمدي)
خانم "الهه صمدي " بير قطعه شعري نن شعر گئجه سيني داهادا وجده گتيريب و دفعه لرله آلقيشلاندي. "الهه صمدي "حال حاضيردا 12نجي صينف شاگيردي دير...
ادامــه مـطـلـب
" آنا ديليم "
سنله ياشاييرام ، سنينله وارام
روحوما،قلبيمه،گؤز آنا ديليم
سنسن اسگي گونوم،سن گله جه ييم
يابانچي سؤزلره،دؤز آنا ديليم
فریبا ابراهیمی(آفاق)
ادامــه مـطـلـب
